Pep Guardiola ka një spiun tek skuadra e tij që i jep gjithmonë formacionin e saktë gazetës ‘Bild’ para çdo ndeshjeje të bavarezëve. Sipas kësaj gazete, në momentin që Pep do e gjejë, ai lojtar nuk do të luajë më, pavarësisht emrit që ka.
Ish-trajneri i Barcelonës është i sigurtë që një prej lojtarëve të tij, përveç formacionit, jep edhe aspektet taktike për gazetarin e Bild-it. Kupa është mbushur fundjavën e kaluar, kur gazeta gjermane publikoi planet e Guardiolës për ndeshjen ndaj Borussia Dortmund (ndeshje që u fitua nga Bayern me rezultatin 0-3).
Mësohet se Guardiola ka mbledhur skuadrën dhe ka mbajtur një fjalim me tone të ashpra: “Këtu do të sakrifikohet dikush dhe nuk më intereson emri i tij. Ai nuk luan më për mua sapo ta marr vesh se kush është spiuni.”
Karl-Heinz Rummenigge, drejtori i përgjithshëm i klubit, deklaroi për këtë çështje: “Këshilloj atë që po spiunon që të mos vazhdojë me këtë gjë, përndryshe do të ketë probleme.”
/ Top Channel
