Vajza që shihim në video ka një inteligjencë si Albert Ajnshtajn dhe ka arritur të mësojë gjuhën spanjolle me shumë lehtësi.
Ajo është cilësuar si njeriu më inteligjent në Shtetin e Arizonës në Shtetet e Bashkuara të Amerikës. Prindërit e saj Ian dhe Xheki Martin, nuk dinë në cilën klasë ta regjistrojnë vajzën e tyre të quajtur Alekis.
Vetëm 3-vjeç ajo është aq inteligjente, saqë do të duket si shumë ndryshe në mes të fëmijëve të tjerë. Vogëlushja është anëtare e klubit Mensa, grup në të cilin mblidhen të gjithë njerëzit që kanë një nivel të lartë inteligjence, që do të thotë 140, ndërkohë që niveli i inteligjencës tek personat normalë, është 100.
Por mes të gjithëve, Alekis është vërtetë një rast shumë i rrallë, mjekët që e kanë testuar atë dhe janë shprehur se vajza ka superuar gjithçka me shumë lehtësi duke e vlerësuar atë me 160, që është niveli maksimal, dhe që është niveli i arritur nga Albert Ajnshtajn dhe Stephen Hawking, dy shkencëtarët më të mëdhenj të këtyre 100 viteve të fundit.
Vajza ka mësuar të lexojë, kur ishte më pak se 1 vjeç dhe në moshën 2-vjeçare, nisi të shkruante, ndërkohë që tani në moshën 3-vjeçare ka mësuar në mënyrë perfekte gjuhën spanjolle, vetëm duke përdorur aplikacionet e iPadi-it të të atit të saj. Memoria e saj është e mahnitshme dhe arrin të tregojë fjalë për fjalë një libër që ka lexuar shumë kohë më parë. Njeh gjeografinë e të gjithë botës dhe di të thotë të gjithë kryeqytetet e shteteve.
Alekis Martin, është cilësuar si personi më inteligjent i të gjithë Shtetit të Arizonës dhe është më inteligjente e 99,9 % të popullsisë botërore. Prindërit e saj, që kanë një inteligjencë normale, janë shprehur se Alekis është një vajzë alegre dhe e dashur me të gjithë, nuk duam të transformohet në një mostër, falë inteligjencës së saj.
