Forumi Rinor Islam duke pasur parasysh nevojën e nxënësve maturantë për mbështetje në fazën e përzgjedhjes së fushës së studimit, gjegjësisht profesionit të tyre në të ardhmen organizoi, për të tretën herë me radhë, takim me maturantët e shkollave të mesme të qytetit të Shkupit edhe atë: “Zef Lush Marku”, “Cvetan Dimov”, “Arseni Jovkov” dhe “Pançe Karagjozov”.
Pjesa e parë i takoi profesoreshës Edlira Destani, psikologe e cila para maturantëve ligjëroi në temën: “Orientimi profesional”. Ndërsa pjesa e dytë i takoi teologut Fevzi Musliu i cili para të pranishmëve ligjëroi në temën “Tejkalimi i krizave rinore”.
Në fund pasoi një koktel modest dhe një prezentim i shkurtë rreth studimeve dhe aplikimit për studime në Turqi nga Emir Fetai, ish student në Stamboll.
