Më 29.12.2012 (e Shtunë) në zyrat e saja në Tetovë, Forumi Rinor Islam – Dega Tetovë, mbajti kuvendin vjetor. Në këtë kuvend u raportua për aktivitetet e realizuara nga FRI-Dega Tetovë gjatë vitit 2012, rezultatet që ishin aritur si dhe sfidat që ka patur dega e Tetovës në këtë periudhë.
Të pranishëm në këtë kuvend ishin shumica e anëtarëve, të cilët pasi miratuan raportin vjetor përshkrues dhe atë financiar, gjithashtu miratuan edhe disa ndryshime të anëtarësisë. Respektivisht, u larguan 5 anëtarë të kuvendit dhe këto vende u zavendësuan me anëtarë të rinj, të propozuar nga kryetari I kuvendit dhe që u miratuan nga kuvendarët me shumicë votash.
Kuvendi gjithashtu dha edhe disa sugjerime dhe këshilla për kryesinë e Degës së Tetovës për disa aktivitete të reja që duhet të përfshihen në vitin e ardhshëm dhe mundësinë e bashkëpunimit me disa organizata vendore dhe ndërkombëtare.
Pas përfunditmit të seancës kuvendarët patën një koktel të organizaur nga FRI Dega Tetovë.
Zyra për Marrëdhënie me Publikun pranë Forumit Rinor Islam
Categories