Barcelona ka arritur të ruajë diferencën e madhe që ka me Realin e Madridit në krye të kampionatit spanjoll falë fitores së thjeshtë ndaj Rayo Vallecano me rezultatin 3-1.
Golat për katalanasit u shënuan nga Villa dhe Messi (dy gola për argjentinasin). Goli i vetëm i takimit për skuadrën modeste madrilene u shënua nga Raul Tamudo.
Në këtë mënyrë Messi ka zgjatur serinë e ndeshjeve radhazi duke shënuar të paktën një gol. Me dy golat e së dielës, ylli i Barcelonës ka shënuar në 18 ndeshjet e fundit të kampionatit spanjoll. Gjatë këtij kampionati, Messi nuk ka shënuar vetëm në 4 ndeshje.
42 golat e tij janë ndarë kështu: një poker golash, një tregolësh, 13 dygolësha dhe në 9 ndeshje ka shënuar vetëm një gol. Leo Messi ka shënuar gjithsej 308 gola me fanellën blaugrana.
