Me koncertin me ilahi Forumi Rinor Islam përmbylli aktivitetet për muajin ramazan

Koncerti me ilahi i mbajtur në Kumanovë përmbylli aktivitetet që organizoi Forumi Rinor Islam përgjatë muajit ramazan 1436/2015.
Koncerti u hap me fjalën përshëndetëse të nënkryetarit të Forumit Rinor Islam – Dega Kumanovë, Liridon Ismailit, i cili përshëndeti të pranishmit si dhe falenderoi ata për mbështetjen, njëherit falenderoi edhe gjithë aktivistët e FRI-së Dega në Kumanovë për angazhimin e tyre përgjatë gjithë muajit.Për aktivitetet që u realizuan gjatë muajit të Ramazanit foli kryetrai i Forumit Rinor Islam, Fevzi Musliu.
Kënduesit e ilahive, nga Kumanova dhe Shkupi, Adem Ramadani, Xhemail Nuhiju, Abdulla Shaqiri, Fersan Jahiu, Avni Nebiu, Xhihad Sherifi, performuan me ilahi të ndryshme.
Koncerti u përmbyll me ilahinë për festën e Bajramit interpretuar nga të gjithë kënduesit dhe me hedhjen e fishekzjarreve.