Departamenti i edukimit pranë Forumit Rinor Islam – Dega Shkup filloi me realizimin e ligjëratave mujore për vajza e gra.
Si ligjëratë e parë e cila u trajtua nga teologeja e mirënjohur Sumeja Peza ishte “Vlerat që e ndërtojnë muslimanen”.
Fillimisht u lexuan disa ajete nga Kurani Famëlartë, e më pas vijoi ligjërata e lartpërmendur.
Njohja e Allahut, bindja ndaj urdhërave të Tij, morali i mirë, sinqeriteti, dituria, largimi nga e kota e shumë të tjera u përmendën si vlera të cilat e ndërtojnë muslimanen si njeri e cila do të jetë e dashur te Allahu, e vyeshme për shoqërinë e familjen e saj.
Në pjesën e fundit të pranishmet kishin mundësi të parashtronin pyetje.
Shkup, 30 tetor 2023
