Në Shkup u organizua aktiviteti përmbyllës i projektit “Eureka”, një nismë që përgjatë realizimit të saj ka sjellë ndikim të dukshëm në ndërgjegjësimin, zhvillimin personal dhe angazhimin aktiv të të rinjve pjesëmarrës, duke krijuar hapësirë për reflektim dhe bashkëpunim.
Programi u hap me një fjalim përshëndetës nga kryetari i Forumit Rinor Islam – Dega Shkup, i cili theksoi rëndësinë e projekteve edukative dhe reflektuese për fuqizimin e të rinjve dhe rolin e tyre në shoqëri.
Më pas, u zhvillua ceremonia e shpërndarjes së certifikatave për pjesëmarrësit, si shenjë mirënjohjeje për përkushtimin dhe kontributin e tyre gjatë gjithë projektit.
Aktiviteti u përmbyll në një atmosferë miqësore me një koktel festiv, i cili shërbeu si moment bashkëbisedimi, reflektimi dhe shkëmbimi përvojash mes të rinjve mbi njohuritë dhe përfitimet e fituara gjatë projektit “Eureka”.
Shkup, 22 dhjetor 2025
