Nxënëset e klasës së nëntë kanë bërë një eksperiment shkencor për të testuar efektin e rrezatimit të telefonave në bimë.
Rezultatet mund t’ju befasojnë.
Vajzat e reja të klasës së nëntë nga Danimarka kanë bërë së fundi eksperimentin shkencor që është duke shkaktuar interesim të madh në komunitetin shkencor.
Ka filluar me vrojtim dhe një pyetje.
Vajzat kanë vënë re që nëse kanë fjetur me telefonat mobilë afër kokës gjatë natës, shpesh kane pasur vështirësi në koncentrim në shkollë ditën e ardhshme.
Ato kanë dëshiruar të testojnë efektin e rrezatimit të telefonave në njerëz, por shkolla e tyre, Hjallerup Skole në Danimarkë nuk ka pasur pajisje për një eksperiment të tillë. Kështu në vend të kësaj vajzat kanë dizajnuar një eksperiment që do të testonte efikasitetin e rrezatimit të telefonit tek bimët.
Studentet kanë vendosur gjashtë shporta të mbushura me Lepidium sativum, një lloj bime kopshti në një dhomë me rrezatim dhe gjashtë shporta me fara në një dhomë tjetër afër dy routereve që sipas kalkulimeve të vajzave kanë emetuar tipin e njëjtë të rrezatimit si një telefon i zakonshëm.
Përgjatë 12 ditëve vajzat kanë vrojtuar, matur, peshuar dhe fotografuar rezultatet e tyre. Edhe pse deri në fund të eksperimentit rezultatet kanë qenë mjaft të qarta, farat e bimëve të vendosura pranë routereve nuk janë rritur.
Shumë nga ato kanë qenë tërësisht të vdekura.
Derisa farat e bimëve të mbjella larg nga routeri kane lulëzuar. Eksperimenti ka bërë që vajzat të fitojnë çmimet kryesor në gara shkencore rajonale dhe ka nxitur interesimin e shkencëtarëve në gjithë boten.
Sipas Kim Horsevad, mësimdhënëse në Hjallerup Skole në Danimarkë, ku është bërë eksperimenti me bimë, një profesor i neuroshkencës në Karolinska Institute në Suedi është interesuar në përsëritjen e eksperimentit në mjedise shkencore të kontrolluara profesionalisht. /koha/
