Një nga momentet më të veçanta të manifestimit “Në gjurmët e më të mirëve” ishte dekorimi i hafizit më të ri të vitit, 11-vjeçarit Berkin Veseli nga Shkupi, i cili me përkushtim dhe dashuri ndaj Kuranit Famëlartë arriti ta mësojë atë përmendësh.
Nën udhëheqjen e muhafizit Kurra Hafiz Abdurrahim Sulejman, Berkini përfundoi hifzin për dy vjet e tre muaj, duke dëshmuar se mosha e re nuk është pengesë për arritje të mëdha.
Dekorata iu nda nga nënkryetari i Forumit Rinor Islam, Erduan Kurtishi, si vlerësim për këtë arritje të çmuar dhe si nxitje për brezat e rinj që të ndjekin rrugën e dijes dhe të Kuranit.
Allahu ia shtoftë dijen dhe bereqetin, e bëftë prej bartësve të denjë të Kuranit dhe shembull frymëzimi për të rinjtë!
Shkup, 22 tetor 2026